日前(4日)GOT7裡的香港成員王嘉爾以個人身份現身觀塘APM舉行其首個個人見面會。雖然早前曾與團員一起出席APM活動, 但是次活動是王嘉爾首次獨自出現, 本人亦都表現得相當興奮。攝/Echo, 文/Echo
一見身, 王嘉爾就即刻關心辛苦等候的粉絲們, 仲不停地問:「你地唔洗返學咩?」, 期間與幸運粉絲於台上大玩之餘, 亦不斷調侃主持人, 真係相當鬼馬。
對於台上粉絲玩遊戲後不論輸贏都大送抱抱, 認真窩心。
是次活動Jackson媽咪亦都親自現身支持, 睇得出佢地真係母子同心, 相當親愛呀。
一般韓星到訪時都只會跟足流程進行, 但Jackson唔知係咪因為地頭蟲關係, 一直自行加碼大放福利, 原本表演歌曲只唱一次, 結果他自行再安可, 第二次表演時更比第一次激動, 跑遍全場與粉絲對唱, 將場面炒熱至最高點。
表演完畢後, 少不免地除衫SHOW肌, 令全場大飽眼福。
最後拍手會時, 期間一名小粉絲現身, Jackson一見到可愛的小朋友, 即刻慈父上身抱起她, 送給小粉絲一個大福利。
No comments:
Post a Comment