APM 聖誕開幕禮 VIXX@ N 簽唱會 大秀中文歌唱實力 - K-Star HK

K-Star HK

K-Star HK - 香港韓娛媒體 / KPOP Media From HK .

19.11.17

APM 聖誕開幕禮 VIXX@ N 簽唱會 大秀中文歌唱實力


韓國人氣男團VIXX隊長N(車學沇)今早(19日)抵港後, 便出席apm星球大戰聖誕裝飾開幕禮,一出場就已經拎住把劍一齊擺晒POSE影相真係入型入格呀,有粉絲為咗有最佳位置目睹偶像更加係一早7點鐘就到現場霸位,N隊既魅力真係沒法擋呀。

攝/ Wilosn Wong, 文/ Echo Chung


今次係N第三次黎到APM出席活動,佢就話事前都睇過今次活動既現場相,但黎到見到STAR WAR實物擺放都覺得好西利。
開幕典禮後,N亦同幸運粉絲於台上玩遊戲,更玩到聯同粉絲一齊用激光劍互砍,場面相當有趣。N更送比台上幸運粉絲一人一個大抱抱,羨煞旁人。
同粉絲玩完遊戲後,N更即場獻唱咗兩首歌,一首係早前同Melody Day 成員Yeoeun的合作過W OST歌曲《Without You》,另一首就唱咗王力宏嘅《Kiss Goodbye》,大顯佢既中文歌唱實力,期間更一度落台同側面苦候已久嘅粉絲握手,儼如小型演唱會。


唱完歌後,N接受傳媒採訪,佢話想再次同G.E.M. 鄧紫棋合作,因為覺得佢好有型。N之後又指雖然佢真係有做運動但粉絲唔多信佢,所以佢要更加努力,日後會更加努力去活動請好好期待。今次已經係N第三次出席APM活動,佢表示好多謝大會邀請,等佢可以同Starlight見面。

No comments:

Post a Comment